Dili, 19 Outubru 2023, (SRP) – Formandu nain 25 hosi PNTL konklui ona formasaun ne’ebé fasilita hosi embaixada Portugal kona-ba Protesaun Natureza no Ambiente ne’ebé hala’o durante fulan ida iha Sentru Formasaun Polísia, (CFP;sigla portuges) Comoro.
“Hau lori Guvernu nia naran hakarak agradese ba formadór sira hosi espesialista sira husi Servisu Protesaun Natureza no Ambiente GNR Portugál ne’ebé apoiu ona formasaun no kapasita PNTL hodi bele ajuda natureza ne’ebé di’ak, nune’e bele benefisia povu Timor-Leste ida di’ak liután”, informa Francisco Guterres, durante halo enseramentu ne’e iha Sentru Formasaun Polisia, Comoro, kinta (19/10/2023).
Nia dehan, formasaun ne’e importante tebes hodi bele aumenta kuñesementu PNTL nian hodi bele ajuda estadu no Governu proteje Natureza Timor nian iha area ne’ebé foun hodi nune’e bele benefisia Timor-Leste no Povu ne’e rasik.
“Ita Timor-Leste ne’e ho nia kultura rasik ida, ita besik liu ba Natureza, Tanba Natureza mak proteje hotu ita iha situasaun no tempu sira hotu, ida-ne’e mós benefisiu di’ak ida ba ita”, salienta.
Formandu sira foto hamutuk ho Ministru Interior iha AKPOL-Comoro.
Nia dehan, formasaun ne’e importante tebes hodi bele aumenta kuñesementu PNTL nian hodi bele ajuda estadu no Governu proteje Natureza Timor nian iha area ne’ebé foun hodi nune’e bele benefisia Timor-Leste no Povu ne’e rasik.
“Ita Timor-Leste ne’e ho nia kultura rasik ida, ita besik liu ba Natureza, Tanba Natureza mak proteje hotu ita iha situasaun no tempu sira hotu, ida-ne’e mós benefisiu di’ak ida ba ita”, salienta.
Tuir nia, Timor-Leste iha Área Protejida ne’ebé presija fó protesaun natureza tanba ne’e membru PNTL sira ne’ebé hetan ona formasaun atu konvense komunidade tradisionál sira hodi bele konserva no habelar turizmu ekolójiku, nu’udar potensialidade boot ida ba dezenvolvimentu sustentavel Timor-Leste nian.
Guvernante ne’e mós husu ba membru PNTL sira atu habelar informasaun ba komunidade hotu hodi kumpri lei relasiona ho konservasaun no protesaun natureza no meiu ambiente, rekursu hidriku, be no rai. Asegura atu ema hotu kumpri lei florestál no protesaun ba animal fuik sira. Proteze no konserva patrimoniu kulturál no kolabora iha inplementasaun asaun formasaun no sensibilizasaun no informasaun iha materiál Ambientál nian.
Iha okajiaun ne’e Ministru Interior, Francisco Guterres hamutuk ho Embaixadora Portugal mai Timor-Leste, Manuela Freitas Barios, inklui formadór sira atribui sertifikadu profisionál ba formandu sira. # (Oscar/Bui).
