MELIO DE JESUS (JETAIL), SIMU POSE NUDAR PAM LAUTÉM FOUN

Lautem, 05 marsu 2024 (SRP) – Ministru Interior, Francisco da Costa, Ph.D, akompaña husi Komandante Komandu PNTL Munisípiu Lautem Superintendente Polísia João da Costa, partisipa iha serimónia tomada de pose ba Melio de Jesus (Jetail), ne’ebé hetan konfiansa husi IX Governu Konstitusionál hodi kaer pasta nudar Prezidente Autoridade Munisípiu (PAM) Lautém durante tinan lima.

Serimónia pose ba Prezidente Autoridade Munisipál foun ne’e ofisialmente fó hosi Vise Ministru Administrasaun Estatál, (MAE), Jacinto Rigoberto Gomes de Deus, iha Salaun Autoridade Munisipál, Postu Administrativu Lospalos, Munisípiu Lautém tersa ne’e.

Serimónia refere fó pose mós kargu kargu Sekretáriu Administrasaun Munisipál Lautém no Diretór Serbisu Munisipál sira inklui kargu Administradór Postu Admistrativu nain-neen iha munisípiu refere.

Hafoin remata serimónia ne’e Prezidente Autoridade Munisípiu (PAM) Lautém), sesante, Domingos Sávio, halo kedas entrega servisu no patrimoniu ba Vise MAE no hatutan kedas ba PAM Lautem foun hodi kontinua servisu tuir planu ne’ebé iha ona.

Serimonia pose ne’e hetan partisipasaun hosi membru Guvernu, membru Parlamentu Nasionál, ofisiais PNTL no F-FDTL, veteranu sira, sosiedade sivíl, Lider relijioju, lia-nain, Autoridade lokál, konsellu suku sira no-mós sivitas akademika sira. #AX