𝐊𝐎𝐍𝐒𝐄𝐋𝐋𝐔 𝐌𝐈𝐍𝐈𝐒𝐓𝐑𝐔 𝐍𝐎𝐌𝐄𝐈𝐀 𝐉𝐎𝐑𝐆𝐄 𝐌𝐎𝐍𝐓𝐄𝐈𝐑𝐎 𝐋𝐈𝐃𝐄𝐑𝐀  𝐒𝐄𝐑𝐕𝐈𝐒𝐔 𝐌𝐈𝐆𝐑𝐀𝐒𝐀𝐔𝐍

𝐃𝐈𝐋𝐈, 𝟐𝟓 𝐦𝐚𝐫𝐬𝐮 𝟐𝟎𝟐𝟔 (𝐒𝐑𝐏) – Kuarta feira ne’e, Ministru Interior, Francisco da Costa Guterres, Ph.D, partisipa reuniaun Konsellu Ministru ne’ebé prejidi husi Primeiru-Ministru Kay Rala Xanana Gusmão, iha sala reuniaun Konsellu Ministru Palásiu Governu.

Konsellu Ministru aprova ona projetu Rezolusaun Governu ne’ebé aprezenta husi Ministru Interiór Francisco da Costa Guterres, Ph.D, hodi nomeia Komisariu Asistente Polísia Afonso dos Santos, atu ezerse kargu Komandante-Jerál Polísia Nasionál Timor-Leste (PNTL), ba períodu tinan 3, tanba ne’e promove ba Komisáriu-Jerál. Ho Rezolusaun ne’e ida-ne’e, nune’e hapara komisaun servisu atuál komandante-Jerál PNTL, komisáriu Jeral Henrique da Costa.

Alende ne’e Konsellu Ministrus aprova mós projetu Rezolusaun Governu, ne’ebé aprezenta husi Ministru Interiór hodi nomea Komisariu Asistente Polísia, Natercia Eufrasia Soares Martins hodi ezerse kargu Segundu Komandante-Jerál PNTL ba períodu tinan 3, ho nune´e promove ba Komisáriu. Ho Rezolusaun Governu nian ida-ne’e hapara mós komisaun servisu Komisáriu Pedro Belo.

Iha okajiaun ne’e Konsellu Ministru aprova mos projetu Rezolusaun Governu ba ezonerasaun Natércia Eufrásia Soares Martins hosi kargu Diretora Ezekutiva Servisu Migrasaun nian no halo nomeasaun ba Komisariu Asistente Polisia, Jorge Monteiro, lidera Servisu Migrasaun ba períodu tinan tolu. #Buy.