𝐔𝐍 π–πŽπŒπ€π π€ππŽπˆπ” 𝐆𝐔𝐕𝐄𝐑𝐍𝐔 π‡πŽπƒπˆ πˆπŒππ‹π„πŒπ„ππ“π€ π„πƒπ”πŠπ€π’π€π”π π’πˆπ•πˆπŠπ€ πˆπ‡π€ 𝐓𝐋

by | Jan 30, 2025 | Nasional, Notisia | 0 comments

DΓ­li, 23 janeiru 2025 (SRP) – Ministru Interior, Francisco da Costa Guterres, Ph.D, hetan vizita kortezia husi Amy Nishtha Satyam nudar Xefi UN Woman iha Timor-Leste ho ekipa hodi ko’alia kona-ba atu hametin kapasidade institusional liu hosi programa importante tolu mak hanesan, PAN 1325 Feto Pas no Seguransa faze daruak nian, mediasaun no-mos dezenvolve no implementa Programa Edukasaun Sivika iha Timor-Leste.
Iha enkontru ne’e, Xefi UN WOMEN kongratula no lori ONU no Feto Timor-Leste nia naran hato’o saudasaun tinan foun ba Ministru Interior, nune’e iha tinan 2025 lori susesu, prosperidade no progresu signifikativu ba MinistΓ©riu InteriΓ³r no povu Timor-Leste.

β€œOhin ami kontente tebes halo enkontru ho Ministru Interior hodi kongratula nia hanoin didi’ak kona-ba pasu boot tuir mai hodi hametin kapasidade institusional atu dezenvolve no implementa Programa Edukasaun Sivika, ne’ebΓ© ha’u hanoin horiseik diskute ona iha Konsellu Ministrus. Entaun UN Women nafatin iha komitmentu hodi ajuda Guvernu Timor-Leste liu hosi implementasaun no monitorizasaun ne’ebΓ© efetivu ba PAN foun 1325, no-mos asuntu seluk tan kona-ba Migrasaun no TrΓ‘fiku Humanu inklui edukasaun sivika, ne’ebΓ© halibur hamutuk feto sira-nia partisipasaun no lideransa iha setΓ³r hotu-hotu liu-liu haforsa instituisaun governu no eduka sosiedade sira ba mudansa ne’ebΓ© pozitivu”, dehan Xefi UN Women, Nishtha Satyam, hafoin remata enkontru ne’e iha Ministeriu Interior, Vila-Verde, kinta (23/01/2025).

Nia dehan, UN Woman nafatin apoiu Guvernu Timor-Leste tanba MinistΓ©riu Interior nudar instituisaun prinsipal hodi asegura seguransa no protesaun pΓΊbliku iha Timor-Leste.

β€œIha tinan ida-ne’e, UN Women nafatin iha kompromisu kle’an hodi apoia Governu Timor-Leste no promove ajenda Feto Paz no Seguransa, nomΓ³s prioridade sira seluk ne’ebΓ© aliΓ±a ho enkuadramentu nasionΓ‘l no globΓ‘l ba dezenvolvimentu sustentΓ‘vel sira hanesan harii dame, no igualdade jΓ©neru. Entertantu espesifikamente ami apoiu MinistΓ©riu InteriΓ³r ne’e hodi promove no implementa ajenda nasionΓ‘l Feto Paz no Seguransa nian, inklui inisiativa sira hodi hasa’e partisipasaun feto iha lideransa, harii dame no seguransa, dezenvolve Programa Edukasaun SΓ­vika iha aliΓ±amentu ho prioridade dezenvolvimentu nasionΓ‘l sira”, salienta.
Xefi UN Woman ne’e mos hato’o nia apresiasaun maka’as ba IX Governu Konstitusional Timor-Leste liuhusi lideransa Ministeriu Interior ho komisaun elaborador nudar parseria hodi kontinua haburas dezenvolvimentu responsivel ba jΓ©neru. #Bui

Submit a Comment

Your email address will not be published. Required fields are marked *

error: Deskulpa, Konteúdu hetan Protesaun!!